काठमाडौं। भारतबाट पेट्रोलियम पदार्थको मूल्य घटेर आएको छ ।
बिहीबार इण्डियन आयल कर्पोरेशन (आइओसी) ले पठाएको नयाँ मूल्यसूचीअनुसार पेट्रोलको मूल्य प्रतिलिटर १.९७ रुपैयाँ र डिजेलमा ६ रुपैयाँ ४० पैसा घटेर आएको छ ।
प्रत्येक १५–१५ दिनमा आइओसीले नेपाल आयल निगमलाई नयाँ मूल्यसूची पठाउने गरेको छ । आइओसीले कहिले पेट्रोलिम पदार्थको मूल्य घटाएर पठाउँछ त कहिले बढाएर पठाउने गरेको छ ।
अहिले नेपाली बजारमा पेट्रोलको मूल्य प्रतिलिटर १७८ र डिजेलको मूल्य प्रतिलिटर १७५ रुपैयाँ कायम छ ।
