काठमाडौं । काठमाडौंको शंखरापुर नगरपालिका–३, बोझनीमा विद्युत सबस्टेसन निर्माणका विषयमा प्रहरी र स्थानीयबीच विवाद हुँदा झडप भएको छ । झडपमा परी स्थानीय राम तामाङ र लक्ष्मी तामाङ घाइते भएका छन् ।
४५६ मेगावाटको अपर तामाकोसी जलविद्युत् आयोजनाको विद्युत प्रसारण लाइनको सबस्टेसन बनाउदा बिनासूचना राज्यले स्थानीयको जग्गा अधिग्रहण गरेको भन्दै स्थानीयहरु तीन दिनदेखित आन्दोलित छन् ।
सबस्टेसनका नाममा अनाधिकृत काम भइरहेको भन्दै स्थानीयले आयोजना स्थानान्तरण गर्नुपर्ने माग राख्दै आएका छन् । उक्त आयोजना निर्माणले त्यहाँका आदिवासी पूर्ण रुपमा विस्थापित हुनुपर्ने भएकाले कुनै पनि हालतमा आयोजना स्थानन्तरण हुनुपर्ने स्थानीयको माग छ ।
सबस्टेसन सरकारले बनाउने हो भने राज्यले शातिपूर्ण वातावरण निर्माण गर्नुपर्ने पनि स्थानीयको माग छ । यदि, राज्यले शान्तिपूर्ण वातावरण निर्माण नगरे ‘कि गर, कि मर’ को स्थिति पैदा हुने उनीहरुको भनाइ छ ।
