दक्षिण कोरियामा ‘गुलाबी म्यूली, मुहली’ भनेर चिनिने खरजस्तो घाँसलाई ‘गुलाबी मुहली’ घाँस भनिन्छ, जुन कोरियाको पश्चिमी र मध्य संयुक्त राज्य अमेरिकाको मैदानको मूल हो। कोरियामा गुलाबी मुहली सामान्यतया सेप्टेम्बरको मध्यदेखि यो घाँस गुलाबी र बैजनी हुन्छ र नोभेम्बरसम्म यसले आफ्नो गुलाबी रंगको सौन्दर्य छर्दछ ।

‘गुलाबी’ रंग, कोमलता, खुशी र मिठासको प्रतिनिधि हो । यसले भावनालाई स्थिर मात्र गर्दैन न्यानोपनको अनुभूति पनि दिन्छ। गुलाबी मुहलीको दृश्य सपनाजस्तै परी कथा पनि हो। शरद ऋतुमा कोरियाका विभिन्न ठाउँमा फुल्ने गुलाबी घाँसे मैदानले घुम्नेहरुको मन खिच्छ । कोरियामा सबै भन्दा राम्रो गुलाबी मुहली पाउने ठाउँहरु यी हुन्

१.सियोल, ग्योङजी र इन्चियोन

हनुल पार्क

हनुल पार्क दक्षिण कोरियाको राजधानी सियोलमा रहेको प्रसिद्ध पार्क हो, जुन एक समय एक ठूलो ल्यान्डफिल थियो तर पछि यो एक पारिस्थितिक (इकोलोजिकल) पार्कमा परिणत भयो । पार्क बन्नुअघि यो ल्यान्डफिल यति ठूलो थियो कि मानिसहरूले यसलाई फोहोरको पहाड भन्थे । तर, अब पहिलेको त्यो फोहोर रहेको ठाउँमा गुलाबी मुहली र हान नदीको मज्जा लिन पाइन्छ ।

याङ्जु नारी पार्क

याङ्जु नारी पार्क ग्योन्गी प्रान्तको उत्तरी सहर याङ्जुसीमा अवस्थित छ। पार्कमा, तपाईं गुलाबी र रातो रंगको ग्लोब एमारन्थ, ब्रूम साइप्रस, मेक्सिकन एस्टर्स र क्याना फूल जस्ता विभिन्न शरद ऋतुमा फुल्ने फूलहरूको आनन्द लिन सक्नुहुन्छ। साथै, रंगीन फूलहरूले घेरिएका तस्बिरहरू खिच्न पाउँदा कसलाई मज्जा आउँदैन र ?

इन्चोन अन्तर्राष्ट्रिय एयरपोर्ट स्काई गार्डन

स्काई गार्डन इन्चियोन अन्तर्राष्ट्रिय विमानस्थलको नजिक छ । यो एक समतल भूमि हो जुन इन्चेनमा गुलाबी मुहली घाँसको आनन्द लिनको लागि मानिसहरु पुग्ने गर्दछन् । यस ठाउँमा वसन्तको अन्त्यमा, तपाईंले जेजु टापुको क्यानोला फूलहरू जस्तै खेतले भरिएको फूलहरू पनि देख्न सकिन्छ ।

२. बुसान

उलसुक्दो टापु

उलसुक्दो टापु नाकदोङग्याङ नदीको तल छ जुन ग्योनसाङ प्रान्तमा अवस्थित छ। बुसानको यो टापु पर्यावरणमैत्री छ । यस भूमिमा प्रवासी चराहरू बस्छन्, उड्छन्, चिरबिराउँछन् । अहिले यो टापु इकोलोजिकल पार्कमा पुनर्स्थापित भएको छ। शरद ऋतुमा, गुलाबी मुहली घाँसको साथमा विलो वन र रिड बेडहरूमो मजा लिन सकिन्छ ।

दाइजियो इकोलोजिकल पार्क

उलस्कुदो टापु भन्दा अलि माथि अवस्थित छ, दाइजियो इकोलोजिकल पार्क । दाइजियो इकोलोजिकल पार्क पनि प्रवासी चराहरुका धेरै प्रजातिहरुको घर हो । चरासँगै मानिसहरुका लागि झनै आराम लिने ठाउँ पनि हो यो ।

३. ग्योङजु

चियोसियोङदे म्यूली जमिन

शरद ऋतुमा ग्योङ्जुको चियोसियोङदेमा भ्रमण गर्नेहरुले गुलाबी मुहली स्पटको मजा लिन छुटाए पक्कै बिलौना गर्नुपर्ने हुन्छ । यो ठाउँ एशियामा सबै भन्दा पुरानो अवस्थित खगोलीय वेधशाला पनि हो जुन बेलनाकार ढुङ्गाको संरचना सीधा रेखा र वक्र रेखा संग मिल्दोजुल्दो छ। यो ठाउँ प्राकृतिमात्र होइन गौरवपूर्ण सांस्कृतिक सम्पदाले भरिपूर्ण ठाउँ हो ।

बोमुन पर्यटक कम्प्लेक्स

बोमुन पर्यटक कम्प्लेक्स ग्योन्जु डाउनटाउनको वरपर अवस्थित छ । यसमा ठूलो कृत्रिम बोमुन ताल, पैदल मार्ग र बाइक लेनहरू छन्। शरद ऋतुमा, गुलाबी मुहली र शान्त तालको परिदृश्यसँगै मनमोहक देखिन्छ।

४. डेजियन

लोहास पार्क

डेजियनको लोहास पार्कमा पर्यटकले अस्ताउँदो सूर्य को चमकसँगै अघाइन्जेल भव्य तस्वीरहरु लिन सकिन्छ । गुलाबी मुहलीको जीवन्त रंगले वातावरण नै रहस्यमय बनाइदिन्छ ।

५. जेजु द्वीप

हुरी पार्क

भावुक हुनेहरूका लागि उत्तम ठाउँ हो, कोरियाको गौरव जेजु टापु । गुलाबी मुहलीको सौन्दर्यपान गर्न हलासन माउन्टेनको फेदमा अबस्थित एक प्राकृतिक जीवन अनुभव पार्क हो, हुरी पार्क। पार्कमा जो कोही गुलाबी मुहलीमा समाहित हुन्छन् र घोडा सवारीको पनि चरम आनन्द लिन सकिन्छ । धेरै पर्यटकहरू यस क्षेत्रको भ्रमण गर्छन् किनभने यसले मौसम अनुसार विभिन्न दृश्यहरू र प्राकृतिक विशेषताहरू प्रदान गर्दछ।

क्याफे श्रीमती बुकचोन

जेजु टापुभित्र धेरै आकर्षक क्याफेहरू छन् जहाँबाट पर्यटकले गुलाबी मुहलीका उत्कृष्ट तस्बिरहरू लिन सक्छन् । गुलाबी प्रेमी हुनेहरुका लागि भने यहाँभित्रको ढुङ्गाको पर्खाल र बिजु क्याफेहरूसँग मिसिएको गुलाबी प्रकृतिलाई खिच्ने अवसर पर्याप्त पाउने छन् ।

-ट्र्याजी ब्लकबाट