काठमाडौं । विवाह नै नगरी सम्बन्ध तोडेकी गायिका मेलिना राईले समानता र न्यायपूर्ण समाजको स्थापना हुनुपर्ने बताएकी छन् । प्रेमी सञ्जिव बराईलीसँग ‘इन्गेजमेन्ट’ गरेर सम्बन्धमा ब्रेक लगाएकी गायिका राईले सामाजिक सञ्जालमार्फत समानता र न्यायपूर्ण समाजको स्थापना हुनुपर्ने जरुरी रहेको बताइन् ।
उनले आफ्नो पहिलो निर्णय जातीय विभेद र दोस्रो पितृसत्तात्मक सोचविरु रहेको पनि भनेकी छन् । मान्छे मान्छेबीचमा हुने सबैखालको अन्यायको अन्त्य हुनुपर्ने पनि उनले भनेकी छन् ।
उनले लेखेकी छन् :
मेरो पहिलो निर्णय – समाजमा विधमान जातीय विभेदको विरुद्धमा थियो ।
मेरो दोश्रो निर्णय – पितृसत्तात्मक सोचको विरुद्धमा हो ।
मेरो विचारमा मान्छे मान्छे विचमा हुने सबैखाले अन्यायको अन्त्य हुनुपर्छ । समानता र न्यायपूर्ण समाजको स्थापना हुनु एकदम जरुरी छ ।
