काठमाडौं । नेपाली राष्ट्रिय पुरुष क्रिकेट टिमका मुख्य प्रशिक्षक पुबुदु दसानायकेले पदबाट राजीनामा दिएका छन् ।बुधबार पत्रकार सम्मेलन गर्दै पुबुदुले मुख्य प्रशिक्षक पदबाट राजीनामाको घोषणा गरेका हुन् ।
उनले सम्मेलनमा भने, ‘मेरो आफ्नै व्यक्तिगत कारण छन् जसलाई मैले सम्हाल्नुपर्छ । त्यसैले म यो राजीनामा दिँदा दुखित छु ।’
नेपाल क्रिकेट संघ (क्यान)ले दसानायकेलाई गत मङ्सिरमा क्रिकेट टोलीको मुख्य प्रशिक्षकमा एक वर्षका लागि नियुक्त गरेको थियो ।
