संघीय संसद् सचिवालयका महासचिव गौतमको पत्रलाई तत्काल कार्यान्वयन नगर्न सर्वोच्चको आदेश
  • मूलधार

काठमाडौं । निलम्बित प्रधानन्ययाधीश चोलेन्द्र शमशेर जबराविरुद्धको महाभियोग निष्प्रभावी तुल्याउने संघीय संसद् सचिवालयका महासचिव भरतराज गौतमको पत्रलाई तत्काल कार्यान्वयन नगर्न सर्वोच्च अदालतले अन्तरिम आदेश दिएको छ ।

शुक्रबार कामु प्रधानन्यायाधीश हरिकृष्ण कार्कीको नेतृत्वमा न्यायाधीशहरू विश्वम्भरप्रसाद श्रेष्ठ, ईश्वरप्रसाद खतिवडा, आनन्दमोहन भट्टराई र अनिलकुमार सिन्हा संलग्न इजलासले संघीय संसद् सचिवालयका महासचिव गौतमको पत्रलाई तत्काल कार्यान्वयन नगर्न अन्तरिम आदेश दिएको हो ।

संसद् सचिवालयका महासचिव गौतमले आफ्नो क्षेत्राधिकारभन्दा बाहिर गएर पत्र पठाएको भन्दै त्यसको कार्यान्वयनमा रोक लगाउन पनि आदेश दिइएको छ । गौतमले बुधबार जबरालाई महाभियोग प्रस्ताव निष्प्रभावी हुने भनेर पत्र दिएका थिए ।

त्यसपछि सर्वोच्च बारका अध्यक्ष पूर्णमान शाक्य, उपाध्यक्ष मुकुन्दप्रसाद पौडेल, सचिव ऋषिराम घिमिरे, कोषाध्यक्ष विनोदकुमार कार्की तथा सदस्यहरू विकास भट्टराई, अनन्तराज लुइँटेल, दीपनारायण साह, अमिता गौतम र रामहरि त्रिपाठीले बुधबार नै उक्त पत्र बदर गर्नु पर्ने मागसहित सर्वाेच्चमा रिट निवेदन दायर गरेका थिए ।

  • December 9, 2022 प्रकाशित
  • सम्बन्धित