काठमाडौं । कतारमा हाल फिफा विश्वकप २०२२ जारी छ । मंसिर ४ मा उद्घाटन भएपछि हालसम्म चार खेल भइसकेका छन् ।
खेलको तेस्रो दिन आज चार खेल हुँदैछन्। पहिलो खेलमा समूह ‘सी’ का अर्जेन्टिना र साउदी अरेबियाबीच भिडन्त हुँदैछ। नेपाली समयअनुसार यो खेल दिउँसो ३ : ४५ बजे सुरु हुनेछ।
अर्जेन्टिना र साउदी अरबपछि समूह ‘डी’ बाट डेनमार्क र ट्युनिसियाले नेपाली समयअनुसार साँझ ६ः४५ बजे भिड्ने समयतालिका रहेको छ ।
समूह ‘सी’ कै अर्को खेल नेपाली समयअनुसार ९ : ४५ देखि सुरु हुनेछ । यस खेलमा मेक्सिको र पोल्यान्डबीच प्रतिस्पर्धा हुँदैछ।
त्यसपछि समूह ‘डि’ बाट फ्रान्स र अष्ट्रेलिया नेपाली समयअनुसार राति १२ः४५ भिड्दैछन् ।
आजका खेल
अर्जेन्टिना भर्सेस साउदी अरेबिया : दिउँस ३:४५ बजे
डेनमार्क भर्सेस ट्युनिसिया : साँझ ६:४५ बजे
मेक्सिको भर्सेस पोल्यान्ड : राति ९:४५ बजे
फ्रान्स भर्सेस अस्ट्रेलिया : राति १२:४५ बजे
